DAVLAT BOSHQARUVIDA SUN’IY INTELEKTDAN FOYDALANISH ISTIQBOLLARI

Abstract

Maqolada sun’iy intellekt (SI)ning davlat boshqaruvidagi potensiali va kelajakdagi qo‘llanilish masalalari muhokama qilinadi. SI, yirik ma’lumotlar bazasiga integratsiya qilingan algoritmlar yordamida foydalanuvchilarga axborot taqdim etuvchi dasturiy ta’minot sifatida ishlaydi. Ushbu texnologiya davlat boshqaruviga qo‘llanilishi kutilmoqda, bu esa davlat xizmatlarini optimallashtirish, resurslarni samarali taqsimlash, fuqarolar murojaatlarini tizimlashtirish va xodimlar kompetensiyasini nazorat qilishda yordam beradi. Maqolada O‘zbekistonning SI sohasida amalga oshirilayotgan islohotlari, shuningdek, AQSh, Yevropa Ittifoqi va Xitoyning SI ni davlat boshqaruvida qo‘llash tajribalari keltirilgan. Sun’iy intellektni davlat boshqaruvida joriy etish bo‘yicha barcha darajalarda samarali ishlatish uchun ishlab chiqilgan nazariyalar va amaliy yondashuvlar ta’kidlanadi. O‘zbekistonda SI ni tartibga solish va rivojlantirishga oid qadamlar, shu jumladan, ma’lumotlar xavfsizligini ta’minlash va mutaxassislarni tayyorlash masalalari ko‘rib chiqiladi. Maqola, SI ni davlat boshqaruvida muvaffaqiyatli qo‘llash uchun jahon tajribasiga tayanib, ehtiyotkorlik bilan yondashuv zarurligini ta'kidlaydi.