TEXNOLOGIYA PÁNI BOYÍNSHA PÁN DÓGEREKLERI ARQALÍ MEKTEP OQÍWSHÍLARÍN TÁRBIYALAWDÍŃ ÁHMIYETI

Abstract

Búgingi kúnniń jasların hár tárepleme jetik insanlar etip jetilistiriwde milliy tárbiyanıń quramalı bólimlerinen biri bolģan miynet tárbiyasınıń áhmiyeti oģada ullı. Texnologiyalıq tálim tárbiyası ulıwma bilim beriw mekteplerinde hár túrli jollar arqalı ámelge asırılmaqta. Usınday iygilikli islerdi alıp barıw nátiyjesinde jas óspirimlerde elimizdiń abadan turmısı hámde ekonomikalɪq rawajlanɪwɪ menen baxtınıń negizi miynet ekenligine isenimlerdi payda etedi. Jas óspirimler usınday tárbiya arqalı miynet kónlikpelerine iye boladı. Biziń xalqımız ázel-ázelden miynet súygish bolɪp, olar turmɪstɪń hár túrli qɪyɪnshɪlɪqlarɪn da, etken miynetlerine de jarasa lázzetlerinde teńdey kórip kiyatır. Olar óz perzentlerine baxıtqa tolɪ ómirge erisiw tek miynet etiw hámde bilim alɪw arqalı ģana jetise alatuģınlıqların násiyatlap kelgen.