GIPOTALAMUS NEYROSEKRETSIYASINING STRUKTURAVIY ASOSLARI

Abstract

Mazkur matnda gipotalamusning morfologik va funksional tuzilishi, uning organizmdagi nerv-endokrin muvozanatni ta'minlashdagi roli keng yoritilgan. Gipotalamus o‘rta miya pufagining bazal qismidan rivojlanib, avtonom nerv tizimining markazi sifatida simpatik va parasimpatik bo‘limlar faoliyatini boshqaradi, shuningdek, endokrin va nerv tizimlari o‘rtasidagi bog‘liqlikni ta'minlaydi. Undagi neyrosekretor hujayralar gipofiz orqali gormonal boshqaruvda ishtirok etadi. Matnda gipotalamo-adenogipofizar va gipotalamo-neyrogipofizar tizimlar, ularning neyroge'mal tuzilmalari, shuningdek, supraoptik va paraventrikulyar yadrolarning antidiuretik gormon (vazopressin) va oksitotsin ishlab chiqarishdagi o‘rni batafsil bayon etilgan. Shuningdek, o‘rta bo‘lakdagi arkuat, ventromedial va boshqa yadrolarning adenogipofiz faoliyatini tartibga soluvchi rilizing-gormonlar (liberinlar) va statinlar ishlab chiqarishi ham yoritilgan. Matn gipotalamusning organizm gomeostazini saqlashdagi muhim markaziy vazifalarini ilmiy asosda yoritib beradi.