MUSIQA FANINING O‘QUVCHILARGA EMOTSIONAL TA’SIRI VA IJOBIY MOTIVATSIYANI SHAKLLANTIRISHDAGI ROLI

Abstract

Mazkur maqolada musiqa fanining o‘quvchilarga emotsional ta’siri hamda ularning o‘qishga nisbatan ijobiy motivatsiyasini shakllantirishdagi roli ilmiy-pedagogik nuqtai nazardan tahlil etiladi. Musiqa inson hissiyotlariga bevosita ta’sir etuvchi san’at turi sifatida o‘quvchilarning ruhiy holatini muvozanatga keltiradi, estetik didini rivojlantiradi va ijobiy kayfiyatni shakllantiradi. Shu boisdan musiqa darslari ta’lim jarayonining nafaqat estetik, balki psixologik va tarbiyaviy jihatdan ham muhim tarkibiy qismi hisoblanadi. Tadqiqotda musiqaning emotsional ta’siri, o‘quvchilarda ijodkorlik, o‘ziga ishonch, jamoaviylik va ijobiy motivatsiyani yuzaga keltirishdagi o‘rni, shuningdek, o‘qituvchi faoliyatining badiiy-psixologik mexanizmlari yoritilgan. Maqolada shuningdek, musiqiy faoliyat jarayonida o‘quvchilarning ichki kechinmalarini boshqarish, ijobiy emotsiyalarni kuchaytirish hamda shaxsiy rivojlanishiga ijobiy ta’sir ko‘rsatish omillari tahlil qilingan.