O‘ZBEK FOLKLOR JANRLARIDA DO‘STLIK MOTIVINING BADIIY VA TARBIYAVIY AHAMIYATI

Abstract

Mazkur maqolada o‘zbek xalq og‘zaki ijodi namunalarida uchraydigan do‘stlik motivining badiiy va tarbiyaviy ahamiyati tahlil qilinadi. Folklor janrlari –  ertaklar, maqol va she’rlarda do‘stlik, sadoqat, hamjihatlik, o‘zaro yordam kabi insoniy fazilatlarning badiiy ifodasi ilmiy jihatdan o‘rganilgan. Shuningdek, xalq og‘zaki ijodi namunalarida aks etgan do‘stlik motivining yosh avlodni ma’naviy-axloqiy jihatdan tarbiyalashdagi o‘rni yoritilgan. Maqolada folklor asarlarining pedagogik imkoniyatlari tahlil qilinib, ularning boshlang‘ich ta’lim jarayonida o‘quvchilarda ijobiy sifatlarni shakllantirishdagi ahamiyati asoslab berilgan. Shu bilan birga, tadqiqot jarayonida umumiy o‘rta ta’lim maktablari uchun yangi joriy etilgan 3-sinf o‘qish savodxonligi darsliklaridagi folklor namunalarining mazmuni va ularning tarbiyaviy imkoniyatlari tahlil qilindi.