«ГУЛИСТОН» ШАРҚ ПЕДАГОГИКАСИНИНГ МУҲИМ МАНБАИ
Keywords:
Гулистон, Бўстон, Саъдий, Гулзор, Девони фоний, Жомий, Баҳористон, Хористон, Огаҳий.Abstract
Шарқ маънавияти ва ахлоқ таълимотида ўзига хос ўринга эга бўлган асарлардан бири — форс-тожик адабиётининг йирик намоёндаси Саъдий Шерозийнинг “Гулистон” асаридир. Бу асар нафақат адабий, балки педагогик аҳамиятга ҳам эгадир. Унда келтирилган ҳикматлар, қиссалар ва ҳаёт ҳақидаги фикрлар Шарқ халқларининг таълим-тарбияга бўлган ёндашувини, ахлоқий қадриятларини ва инсоний фазилатларга асосланган дунёқарашини ёрқин ифодалайди.
“Гулистон”даги таълимотлар инсонни ҳар томонлама тарбиялаш — ахлоқий, маънавий, ҳатто ақлий ва руҳий камолотга етказиш мақсадида берилган. Унда устоз ва шогирд ўртасидаги муносабатлар, яхши хулқ, адолат, сабр-тоқат, меҳр-шафқат каби тарбиявий тушунчалар бадиий ифода топган.
